લાયન્સ ક્લબ પોરબંદર દ્વારા લાયન્સ ઇન્ટરનેશનલના ‘વિઝન સર્વિસ વીક સેલિબ્રેશન’ અંતર્ગત સોમવાર, તા. 12 ઑક્ટોબર, 2026ના રોજ જય જલારામ હોસ્પિટલ, પોરબંદર ખાતે નિઃશુલ્ક નેત્ર નિદાન કેમ્પનું આયોજન કરવામાં આવ્યું હતું.

12 Oct 2026

લાયન્સ ક્લબ પોરબંદર દ્વારા જય જલારામ હોસ્પિટલ ખાતે નિઃશુલ્ક નેત્ર નિદાન કેમ્પ યોજાયો પોરબંદર, તા. 12 ઑક્ટોબર, 2026: લાયન્સ ક્લબ પોરબંદર દ્વારા લાયન્સ ઇન્ટરનેશનલના ‘વિઝન સર્વિસ વીક સેલિબ્રેશન’ અંતર્ગત સોમવાર, તા. 12 ઑક્ટોબર, 2026ના રોજ જય જલારામ હોસ્પિટલ, પોરબંદર ખાતે નિઃશુલ્ક નેત્ર નિદાન કેમ્પનું આયોજન કરવામાં આવ્યું હતું. કેમ્પ દરમિયાન ચાર દર્દીઓને આંખના નેત્રમણીના ઓપરેશન કરાવી આપવામાં આવ્યા હતા, 12 દર્દીઓને ચશ્માની જરૂરિયાત જણાતાં ચશ્માંનું વિતરણ કરવામાં આવ્યું હતું, જ્યારે અન્ય 20 જરૂરિયાતમંદ દર્દીઓને આંખનાં ટીપાં નિઃશુલ્ક આપવામાં આવ્યાં હતાં. આ ઉપરાંત, તમામ દર્દીઓને તેમની જરૂરિયાત અનુસાર યોગ્ય સારવાર અને માર્ગદર્શન મળી રહે તે માટે લાયન્સ ક્લબ દ્વારા જરૂરી વ્યવસ્થા કરવામાં આવી હતી. કેમ્પમાં ઉપસ્થિત 50થી વધુ દર્દીઓને હળવો અને પૌષ્ટિક અલ્પાહાર પણ કરાવવામાં આવ્યો હતો. આ પ્રસંગે લાયન્સ ક્લબ પોરબંદરના પ્રમુખ લાયન અશ્વિન ઠાકરના માર્ગદર્શન હેઠળ ડૉ. યશસ્વી બદીયાણી, લાયન પંકજ ચંદારાણા, લાયન સંજય માળી, લાયન પંકજ મોનાણી સહિત ક્લબના સભ્યો અને દર્દીઓ ઉપસ્થિત રહ્યા હતા. નેત્ર નિદાન કેમ્પને સફળ બનાવવા માટે ક્લબના સેક્રેટરી લાયન ચિરાગ કક્કડ તથા સર્વિસ કમિટીના ચેરમેન લાયન દીપક લાખાણી, લાયન પંકજ મોનાણી અને લાયન પ્રણવ શાહે વિશેષ જહેમત ઉઠાવી હતી. તેમના સુચારુ આયોજન, સક્રિય સહયોગ અને સેવાભાવનાથી સમગ્ર કાર્યક્રમ સફળતાપૂર્વક સંપન્ન થયો હતો. લાયન્સ ક્લબ પોરબંદર દ્વારા માનવસેવા અને આરોગ્યલક્ષી પ્રવૃત્તિઓના ભાગરૂપે યોજાયેલા આ કેમ્પથી જરૂરિયાતમંદ દર્દીઓને નિઃશુલ્ક નેત્ર તપાસ, સારવાર અંગે માર્ગદર્શન અને જરૂરી સહાયનો લાભ મળ્યો હતો.