લાયન્સ ક્લબ પોરબંદર દ્વારા વિઝન સર્વિસ વીક અંતર્ગત તા. 17 ઑક્ટોબર, 2026ના રોજ રક્તદાન કેમ્પનું આયોજન કરવામાં આવ્યું હતું.

17 Oct 2026

લાયન્સ ક્લબ પોરબંદર દ્વારા વિઝન સર્વિસ વીક અંતર્ગત રક્તદાન કેમ્પ યોજાયો કેમ્પમાં 51 બોટલ રક્ત એકત્રિત કરાયું પોરબંદર, તા. 17 ઑક્ટોબર, 2026: લાયન્સ ક્લબ પોરબંદર દ્વારા વિઝન સર્વિસ વીક અંતર્ગત તા. 17 ઑક્ટોબર, 2026ના રોજ રક્તદાન કેમ્પનું આયોજન કરવામાં આવ્યું હતું. કાર્યક્રમની શરૂઆત ઉપસ્થિત મહેમાનોના સ્વાગત સાથે કરવામાં આવી હતી. આ પ્રસંગે લાયન્સ ક્લબ પોરબંદરના પ્રમુખ લાયન અશ્વિન ઠાકરે જણાવ્યું હતું કે આજના ભાગદોડભર્યા જીવનમાં અકસ્માતો કે અન્ય તબીબી કટોકટીના સમયે માનવજીવન બચાવવા માટે તાત્કાલિક રક્તની જરૂરિયાત ઊભી થાય છે. આવા સમયે રક્તદાન કેમ્પ દ્વારા એકત્રિત થતું રક્ત અનેક જરૂરિયાતમંદ દર્દીઓ માટે જીવનદાયી સાબિત થાય છે. રક્તદાન એ માનવસેવાનું ઉત્તમ કાર્ય છે અને સમાજના દરેક નાગરિકે આ સેવાકાર્યમાં સહભાગી બનવું જોઈએ. આ રક્તદાન કેમ્પમાં જાહેર જનતાની સાથે લાયન્સ ક્લબના સભ્યોએ પણ ઉત્સાહપૂર્વક રક્તદાન કર્યું હતું. કેમ્પ દરમિયાન કુલ 51 બોટલ રક્ત એકત્રિત કરવામાં આવ્યું હતું. રક્તદાતાઓનો હૃદયપૂર્વક આભાર આ રક્તદાન કેમ્પને સફળ બનાવવા માટે સ્વૈચ્છિક રીતે રક્તદાન કરનાર તમામ રક્તદાતાઓનો લાયન્સ ક્લબ પોરબંદર દ્વારા હૃદયપૂર્વક આભાર વ્યક્ત કરવામાં આવ્યો હતો. રક્તદાન કરીને માનવજીવન બચાવવાના આ ઉમદા કાર્યમાં યોગદાન આપનાર તમામ રક્તદાતાઓની સેવાભાવના સરાહનીય છે.તેમજ પ્રોજેક્ટ ચેરમેન લાયન ભાવિક દેવાણી દ્વારા તમામ રક્તદાતાશ્રીઓને પ્રોત્સાહક ભેટ આપી સન્માનિત કરવામાં આવ્યા હતા,તેમના અમૂલ્ય યોગદાનથી જરૂરિયાતમંદ દર્દીઓને જીવનદાન આપવામાં મદદ મળશે. સાથે જ કેમ્પના આયોજનમાં સહયોગ આપનાર તમામ સહયોગીઓનો પણ ક્લબ દ્વારા આભાર માનવામાં આવ્યો હતો.ખાસ ધ્યાને અને શ્રેષ્ઠ ઉદાહરણ એ રહ્યું હતું કે માઇક્રો કેબિનેટ સર્વિસ વીક સેલિબ્રેશન ચેરપર્સન લાયન પંકજ ચંદારાણાએ પોતે અન્ય લાયન સભ્યોની જેમ રક્તદાન. કર્યું હતું. આ પ્રસંગે લાયન્સ ક્લબ પોરબંદરના પ્રમુખ લાયન અશ્વિન ઠાકર, સેક્રેટરી લાયન ચિરાગ કક્કડ, ટ્રેઝરર લાયન પ્રજ્ઞા ગજ્જર, ફર્સ્ટ વાઇસ પ્રેસિડેન્ટ લાયન કિશન મલકાણ, સેકન્ડ વાઇસ પ્રેસિડેન્ટ લાયન હરદત્તપુરી ગોસ્વામી, પ્રોજેક્ટ ચેરમેન લાયન ભાવિક દેવાણી, લાયન પંકજ ચંદારાણા,લાયન રાજેશ લાખાણી, લાયન પ્રણવભાઈ શાહ, લાયન નલીનભાઈ કક્કડ, લાયન જયુભાઈ પારેખ સહિત ક્લબના સભ્યો ઉપસ્થિત રહ્યા હતા. લાયન્સ ક્લબ પોરબંદર દ્વારા વિઝન સર્વિસ વીક અંતર્ગત યોજાયેલા આ રક્તદાન કેમ્પ થકી માનવસેવા, સેવાભાવના અને સમાજ પ્રત્યેની જવાબદારીનો સુંદર સંદેશ આપવામાં આવ્યો હતો. “રક્તદાન મહાદાન — તમારું એક યુનિટ રક્ત કોઈને નવું જીવન આપી શકે છે.”