પોરબંદર, તા. 8 ઓક્ટોબર, 2026:લાયન્સ ક્લબ પોરબંદર દ્વારા લાયન્સ ઇન્ટરનેશનલના વિઝન સર્વિસ વીક સેલિબ્રેશન અંતર્ગત તા. 8 ઓક્ટોબર, 2026ના રોજ જવાહર નવોદય વિદ્યાલય, પોરબંદર ખાતે વિઝન સર્વિસની ભવ્ય શરૂઆત કરવામાં આવી હતી.

08 Oct 2026

લાયન્સ ક્લબ પોરબંદર દ્વારા જવાહર નવોદય વિદ્યાલય ખાતે વિઝન સર્વિસ વીકનો ભવ્ય પ્રારંભ પોરબંદર, તા. 8 ઓક્ટોબર, 2026: લાયન્સ ક્લબ પોરબંદર દ્વારા લાયન્સ ઇન્ટરનેશનલના વિઝન સર્વિસ વીક સેલિબ્રેશન અંતર્ગત તા. 8 ઓક્ટોબર, 2026ના રોજ જવાહર નવોદય વિદ્યાલય, પોરબંદર ખાતે વિઝન સર્વિસની ભવ્ય શરૂઆત કરવામાં આવી હતી. કાર્યક્રમનો મુખ્ય ઉદ્દેશ વિદ્યાર્થીઓમાં આંખોની તંદુરસ્તી, આંખના રોગો, આંખની ઈજાથી બચાવ તથા સમયસર આંખોની તપાસ અને સારવાર અંગે જાગૃતિ લાવવાનો હતો. કાર્યક્રમના પ્રારંભે જવાહર નવોદય વિદ્યાલયના પ્રિન્સિપાલ શ્રી સુરેશ જાવરણે ઉપસ્થિત મહેમાનોનું હાર્દિક સ્વાગત કર્યું હતું અને લાયન્સ ક્લબ દ્વારા વિદ્યાર્થીઓમાં આંખોની સંભાળ અંગે જાગૃતિ લાવવા માટે કરવામાં આવી રહેલી કામગીરીની પ્રશંસા કરી હતી. લાયન્સ ક્લબ પોરબંદરના પ્રેસિડેન્ટ લાયન અશ્વિન ઠાકરે વિઝન સર્વિસ વીકની શરૂઆત અંગે માહિતી આપતાં જણાવ્યું હતું કે આંખો માનવજીવનની અમૂલ્ય ભેટ છે. આંખોની યોગ્ય સંભાળ, સમયસર તપાસ અને આંખના રોગોની વહેલી ઓળખ દ્વારા દ્રષ્ટિ સંબંધિત અનેક ગંભીર સમસ્યાઓથી બચી શકાય છે. ડિસ્ટ્રિક્ટ 3232-Jના સર્વિસ વીક સેલિબ્રેશનના ચેરપર્સન લાયન પંકજ ચંદારાણાના માર્ગદર્શન હેઠળ સમગ્ર ડિસ્ટ્રિક્ટમાં વિઝન સર્વિસ વીકનું સુવ્યવસ્થિત આયોજન કરવામાં આવ્યું છે. આ સમગ્ર સપ્તાહ દરમિયાન આંખોની દ્રષ્ટિ અંગે જાગૃતિ, આંખના વિવિધ રોગો, સારવાર, બચાવના ઉપાયો તથા આંખોની નિયમિત તપાસના મહત્વ અંગે વિવિધ કાર્યક્રમો અને પ્રવૃત્તિઓ યોજવામાં આવશે. વિદ્યાર્થીઓને આંખોની તંદુરસ્તી અંગે માર્ગદર્શન આજના કાર્યક્રમમાં વિદ્યાર્થીઓને આંખોની તંદુરસ્તી જાળવવા માટેની વિવિધ બાબતો અંગે માર્ગદર્શન આપવામાં આવ્યું હતું. લાંબા સમય સુધી મોબાઇલ, ટેબ્લેટ કે કમ્પ્યુટર સ્ક્રીન જોવાથી આંખોમાં થતો થાક, આંખોમાં શુષ્કતા, બળતરા તથા દ્રષ્ટિ સંબંધિત તકલીફો અંગે સમજ આપવામાં આવી હતી. વિદ્યાર્થીઓને પૂરતા પ્રકાશમાં વાંચવું, પુસ્તક અને આંખ વચ્ચે યોગ્ય અંતર જાળવવું, નિયમિત વિરામ લેવો, પૂરતી ઊંઘ લેવી તેમજ પૌષ્ટિક આહાર લેવાનું મહત્વ સમજાવવામાં આવ્યું હતું. આ ઉપરાંત ચશ્માનો નંબર વધવો, માયોપિયા (દૂરનું અસ્પષ્ટ દેખાવું), આંખોમાં એલર્જી, કન્જક્ટિવાઇટિસ (આંખ આવવી), ડ્રાય આઈ તથા આંખોમાં ચેપ જેવી સામાન્ય સમસ્યાઓના લક્ષણો અંગે પણ માહિતી આપવામાં આવી હતી. આંખોમાં સતત લાલાશ, દુખાવો, પાણી આવવું, ખંજવાળ, પ્રકાશ સામે તકલીફ અથવા દ્રષ્ટિમાં અચાનક ઘટાડો થાય તો જાતે દવા લેવાને બદલે આંખના નિષ્ણાત તબીબની સલાહ લેવી જોઈએ તે અંગે પણ વિદ્યાર્થીઓને જાગૃત કરવામાં આવ્યા હતા. આંખની ઈજાથી બચાવ અંગે વિશેષ સમજ વિદ્યાર્થીઓને રમતગમત દરમિયાન, પ્રયોગશાળામાં તેમજ રોજિંદા જીવનમાં આંખની ઈજાથી બચવા માટે જરૂરી સાવચેતી અંગે પણ માર્ગદર્શન આપવામાં આવ્યું હતું. આંખમાં કોઈ વસ્તુ કે ધૂળ-કણ જાય ત્યારે આંખને જોરથી ઘસવી નહીં, તીક્ષ્ણ વસ્તુઓથી આંખથી દૂર રહેવું અને ગંભીર ઈજા થાય ત્યારે તાત્કાલિક તબીબી સારવાર લેવી જોઈએ તે અંગે સમજ આપવામાં આવી હતી. ખાસ કરીને પટાકા, કેમિકલ, રમકડાંની તીક્ષ્ણ વસ્તુઓ તથા રમતગમત દરમિયાન થતી ઈજાઓથી આંખનું રક્ષણ કરવું અત્યંત જરૂરી છે તે અંગે વિદ્યાર્થીઓને માહિતગાર કરવામાં આવ્યા હતા. વિદ્યાર્થીઓને સમજાવવામાં આવ્યું હતું કે આંખમાં ઈજા થાય ત્યારે ઘરગથ્થુ ઉપચાર કે પોતાની રીતે કોઈ દવા નાખવાને બદલે તાત્કાલિક નિષ્ણાત આંખના તબીબનો સંપર્ક કરવો જોઈએ. આંખોની નિયમિત તપાસ કરાવવાથી દ્રષ્ટિની સમસ્યાઓનું વહેલું નિદાન અને યોગ્ય સારવાર શક્ય બને છે. આ પ્રસંગે લાયન્સ ક્લબ પોરબંદરના પ્રેસિડેન્ટ લાયન અશ્વિન ઠાકર, સેક્રેટરી લાયન ચિરાગ કક્કડ, ડિસ્ટ્રિક્ટ 3232-J માઇક્રો કેબિનેટ સર્વિસ વીક સેલિબ્રેશનના ચેરપર્સન લાયન પંકજ ચંદારાણા, લાયન ડો. નયન જેઠવા, સર્વિસ વીક કમિટી ચેરમેન લાયન દીપક લાખાણી, લાયન પ્રણવ શાહ, લાયન સમીર શાહ, જવાહર નવોદય વિદ્યાલયના પ્રિન્સિપાલ શ્રી સુરેશ જાવરણ, નીતાબેન, બ્રહ્માકુમારી સુનિતાબેન, આશાબેન મોરી સહિત શિક્ષકો અને લાયન્સ ક્લબના સભ્યો ઉપસ્થિત રહ્યા હતા. કાર્યક્રમમાં 550થી વધુ વિદ્યાર્થીઓએ ઉત્સાહપૂર્વક ભાગ લીધો હતો. વિદ્યાર્થીઓમાં આંખોની સંભાળ અંગે જાગૃતિ લાવતો આ કાર્યક્રમ અત્યંત ઉપયોગી અને પ્રેરણાદાયી રહ્યો હતો. લાયન્સ ક્લબ પોરબંદર દ્વારા આગામી દિવસોમાં પણ વિઝન સર્વિસ વીક અંતર્ગત વિવિધ સ્થળોએ આંખોની તંદુરસ્તી, દ્રષ્ટિ રક્ષણ અને આંખના રોગોથી બચાવ અંગે જાગૃતિ કાર્યક્રમો યોજવામાં આવશે. આ કાર્યક્રમને સફળ બનાવવા સેક્રેટરી લાયન ચિરાગ કક્કડ, લાયન ડો. નયન જેઠવા, સર્વિસ વીક કમિટી ચેરમેન લાયન દીપક લાખાણી વગેરેએ ભારે જહેમત ઉઠાવી હતી.