blood donation camp

20 Aug 2026

🩸 *પ્રવૃત્તિ અહેવાલ – રક્તદાન કેમ્પ* *વિજય કોમર્શિયલ કો-ઓપરેટિવ બેંક અને લાયન્સ ક્લબ રાજકોટ મિડટાઉન* વિજય કોમર્શિયલ કો-ઓપરેટિવ બેંકની 51મી વર્ષગાંઠ નિમિત્તે વિજય કોમર્શિયલ કો-ઓપરેટિવ બેંક અને લાયન્સ ક્લબ રાજકોટ મિડટાઉનના સંયુક્ત ઉપક્રમે રક્તદાન કેમ્પનું આયોજન કરવામાં આવ્યું. આ કેમ્પનો મુખ્ય હેતુ સ્વૈચ્છિક રક્તદાનને પ્રોત્સાહન આપવાનો તથા સમાજમાં રક્તદાન પ્રત્યે જાગૃતિ અને સામાજિક જવાબદારીની ભાવના વધારવાનો હતો. કેમ્પમાં ખૂબ જ સારો પ્રતિસાદ મળ્યો અને કુલ *57 રક્તદાતાઓએ* રક્તદાન કર્યું. તેમાં બેંકના ડિરેક્ટર્સ, સ્ટાફ, ખાતેદારો તેમજ લાયન્સ ક્લબ રાજકોટ મિડટાઉનના સભ્યોનો સમાવેશ થયો હતો. આ કેમ્પની ખાસ વાત એ રહી કે કેટલાક દાતાઓએ પ્રથમ વખત રક્તદાન કર્યું, જેમાં 2 મહિલા રક્તદાતાઓનો પણ સમાવેશ થાય છે. પ્રથમ વખત રક્તદાન કરનારાઓનો ઉત્સાહ ખૂબ જ પ્રશંસનીય રહ્યો. વિજય કોમર્શિયલ કો-ઓપરેટિવ બેંકના બોર્ડ ઓફ ડિરેક્ટર્સ અને મેનેજમેન્ટ Acting Chairman Dhirenbhai Parekh Nikunjbhai Dholakia Kantaben Kathiria Deepakbhai Patel Jayeshbhai Basa Hamirbhai Chavda Tulsibhai Gondalia Shantubhai Ruparelia CEO R. K. Vyas Pravinbhai Dholakia અને Narendrabhai Dave સહિત બોર્ડ ઓફ ડિરેક્ટર્સ તથા મેનેજમેન્ટના સભ્યોએ ઉપસ્થિત રહી રક્તદાતાઓને પ્રોત્સાહિત કર્યા. લાયન્સ ક્લબ રાજકોટ મિડટાઉન તરફથી ઉપસ્થિત સભ્યો * PDG Ln. Rameshbhai Ghetiya * Ln. Bipinbhai Mehta * Ln. Jadavbhai Akbari * Ln. Hiren Rokad * Ln. Jignesh Bhatt * Ln. Neel Doshi * Ln. Rajendra Rawal * Ln. Dr. Atman Kathiria તમામ સભ્યોએ રક્તદાતાઓને પ્રોત્સાહિત કરી કેમ્પને સફળ બનાવવા મહત્વપૂર્ણ યોગદાન આપ્યું. જીવનદીપ બ્લડ બેન્ક - ડૉક્ટર વિડજા સાહેબ એન્ડ ટીમનો વિજય બેન્ક અને લાયન્સ ક્લબ રાજકોટ મિડટાઉન ખાસ આભાર મને છે. રક્તદાન શા માટે જરૂરી છે? આજના આધુનિક તબીબી વિજ્ઞાનમાં અનેક અદભૂત પ્રગતિ થઈ હોવા છતાં માનવ રક્તનું કૃત્રિમ રીતે ઉત્પાદન હજુ સુધી શક્ય બન્યું નથી. રક્તની જરૂરિયાત માત્ર રક્તદાતાઓ દ્વારા જ પૂરી થઈ શકે છે. થેલેસેમિયા દર્દીઓ, માર્ગ અકસ્માતના દર્દીઓ, મોટી સર્જરીના દર્દીઓ તથા ગર્ભવતી મહિલાઓ સહિત અનેક દર્દીઓને સમયસર રક્તની જરૂરિયાત રહે છે. તેથી રક્તની માંગ સતત રહે છે અને ઘણી વખત બ્લડ બેંકોમાં રક્તની અછત પણ જોવા મળે છે. આથી નિયમિત રીતે રક્તદાન કેમ્પનું આયોજન થવું જોઈએ અને સમાજના દરેક સ્વસ્થ વ્યક્તિએ ઉત્સાહપૂર્વક રક્તદાનમાં ભાગ લેવો જોઈએ. રક્તદાન એ માનવતા અને સામાજિક જવાબદારીનું એક શ્રેષ્ઠ સ્વરૂપ છે. આપણે જેને રક્ત આપીએ છીએ તેને કદાચ ક્યારેય ઓળખતા પણ ન હોઈએ, પરંતુ આપણું રક્ત કોઈ અજાણ્યા વ્યક્તિને જીવનદાન આપી શકે છે. *આગામી પહેલ* આજના કેમ્પને મળેલા ઉત્સાહજનક પ્રતિસાદથી પ્રેરાઈને આ જ દિવસે VVP Engineering College સાથે મળીને આગામી રક્તદાન કેમ્પોનું આયોજન કરવાનો નિર્ણય લેવામાં આવ્યો. આગામી કેમ્પનો ખાસ ઉદ્દેશ્ય યુવા પેઢીને રક્તદાન જેવી સામાજિક જવાબદારી સાથે જોડવાનો અને યુવાનોમાં નિયમિત સ્વૈચ્છિક રક્તદાનની સંસ્કૃતિ વિકસાવવાનો રહેશે. 🩸 *રક્તદાન કરો — જીવન બચાવો* ❤️